Gemini Retro Photos: सध्या सोशल मीडियावर एक नवीन ट्रेंड धुमाकूळ घालत आहे. गुगलच्या जेमिनी एआय (Gemini AI) टूलचा वापर करून तयार केलेले रेट्रो साडी लुकमधील फोटो सर्वांनाच आकर्षित करत आहेत. सामान्य लोकांपासून ते मराठी सिनेसृष्टीतील अनेक लोकप्रिय अभिनेत्रींनीही या ट्रेंडमध्ये भाग घेतला आहे.
तुमचा स्वतःचा रेट्रो साडी लुक फोटो कसा तयार करायचा आणि हा ट्रेंड का लोकप्रिय होत आहे, ते या लेखातून जाणून घेऊया.
गुगल जेमिनी एआयची क्रेझ का वाढली?
गुगलने आपल्या फ्लॅश २.५ एआय चॅटबॉटमध्ये (Flash 2.5 AI Chatbot) एक नवीन फीचर जोडले आहे, ज्यामुळे आकर्षक आणि वेगवेगळ्या स्टाईलमध्ये फोटो तयार करता येतात. महत्त्वाचे म्हणजे, हे AI टूल पूर्णपणे मोफत आहे. याचा वापर करण्यासाठी कोणत्याही विशेष तांत्रिक ज्ञानाची गरज नाही.
हे फीचर युजर्सना हवे तेवढे फोटो तयार करण्याची परवानगी देते, ज्यामुळे त्यांची सर्जनशीलता वाढते. त्यामुळे, हे अ‍ॅप तरुण-तरुणींमध्ये आणि सेलिब्रिटींमध्ये खूप लोकप्रिय झाले आहे.
रेट्रो साडी लुकमधील फोटो कसे तयार कराल?
तुमचा स्वतःचा रेट्रो साडी लुक फोटो तयार करण्यासाठी, खालील सोप्या पायऱ्या फॉलो करा:
- अ‍ॅप इन्स्टॉल करा: सर्वात आधी तुमच्या स्मार्टफोनमध्ये Google Gemini अ‍ॅप इन्स्टॉल करा. दुसरा पर्याय म्हणून तुम्ही Google AI Studio ची वेबसाइटही वापरू शकता.
- पर्याय निवडा: ‘नॅनो बनाना इमेज क्रिएट’ (Nano Banana Image Create) हा पर्याय निवडा.
- कमांड द्या: कमांड किंवा ‘प्रॉम्प्ट’ (Prompt) टाइप करा. उदा. ‘Create a Retro Saree Look photo’.
- इमेज अपलोड करा: कमांडच्या पर्यायासोबत असलेल्या ‘+’ आयकॉनवर क्लिक करून तुमचा फोटो अपलोड करा.
- AI इमेज तयार करा: आता ‘Run Ctrl Enter’ या बटणावर क्लिक करा. AI तुमच्या दिलेल्या कमांडनुसार काही क्षणातच एक अप्रतिम रेट्रो साडी लुक इमेज तयार करेल.
- फोटो डाउनलोड करा: तयार झालेला फोटो डाउनलोड करून तो सोशल मीडियावर शेअर करा.
