EPFO PF withdrawal Process : नोकरी बदलताना किंवा नोकरी सोडल्यानंतर पीएफ (Provident Fund) काढणे ही एक किचकट प्रक्रिया वाटू शकते. पण आता तुम्हाला बँकेत जाण्याची किंवा कार्यालयाच्या चकरा मारण्याची गरज नाही. तुम्ही तुमच्या घरूनच अगदी सोप्या पद्धतीने तुमचा पीएफ, पेन्शन आणि व्याजाचे पैसे ऑनलाइन काढू शकता. ही प्रक्रिया कशी काम करते ते पाहूया.
पीएफ काढण्याची ऑनलाइन प्रक्रिया
तुम्ही ईपीएफओ (EPFO) च्या अधिकृत वेबसाइटद्वारे घरबसल्या तुमचा दावा (Claim) सादर करू शकता. यासाठी खालील पायऱ्या फॉलो करा:
- स्टेप १: लॉग इन करा: ईपीएफओच्या वेबसाइटवर जाऊन तुमचा UAN नंबर आणि पासवर्ड वापरून लॉग इन करा.
- स्टेप २: फॉर्म निवडा: ‘Online Services’ या पर्यायावर क्लिक करा, त्यानंतर ‘Claim’ निवडा.
- स्टेप ३: तपशील भरा: तुमच्यासमोर एक फॉर्म उघडेल. त्यात तुमचा बँक खाते क्रमांक टाका आणि अटी व शर्ती स्वीकारा.
- स्टेप ४: क्लेम सबमिट करा: नोकरी सोडल्याची तारीख आणि इतर तपशील भरा. ‘Proceed For Online Claim’ वर क्लिक करून फॉर्म १९ निवडा. पेन्शनची रक्कम काढण्यासाठी फॉर्म १०-सी भरावा लागेल.
- स्टेप ५: ओटीपी (OTP) व्हेरिफिकेशन: फॉर्ममध्ये तुमचा पत्ता आणि रद्द केलेला चेक (Cancelled Cheque) अपलोड करा. ‘Get Aadhaar OTP’ वर क्लिक करून तो पडताळून (Verify) घ्या आणि फॉर्म सबमिट करा.
तुमच्या दाव्याची स्थिती कशी तपासाल?
- फॉर्म सबमिट केल्यानंतर, ईपीएफओ डॅशबोर्डवर ‘Track Claim Status’ या पर्यायावर क्लिक करा.
- तीन दिवसांनंतर तुम्ही तुमच्या दाव्याची स्थिती पाहू शकता. जर ‘Settled’ असा स्टेटस दिसला, तर तुमचे पैसे लवकरच तुमच्या बँक खात्यात जमा होतील. तुम्ही हे तुमच्या ईपीएफओ पासबुकमध्येही तपासू शकता.
टीप: तुम्ही उमंग (Umang) ॲप वापरूनही ही संपूर्ण प्रक्रिया करू शकता.
