Crop Insurance Status Check: शेतकरी बांधवांनो, तुम्ही पंतप्रधान पीक विमा योजनेसाठी अर्ज केला असेल, तर तुमचा अर्ज मंजूर झाला आहे की नाही, हे तपासणे आता खूप सोपे झाले आहे. यासाठी तुम्हाला कुठेही जाण्याची गरज नाही. तुम्ही घरी बसून तुमच्या मोबाईलवर काही मिनिटांतच तुमच्या अर्जाची सद्यस्थिती तपासू शकता. यासाठी, खाली दिलेल्या सोप्या पायऱ्या फॉलो करा.
पीक विमा अर्जाची स्थिती तपासण्याची प्रक्रिया
तुमच्याकडे तुमचा पावती क्रमांक (Receipt Number) असणे आवश्यक आहे. जर तो नसेल, तर अर्ज भरलेल्या सेवा केंद्रातून तो पुन्हा मिळवा.
- स्टेप १: तुमच्या मोबाईलमध्ये ब्राउझर उघडा आणि
pmfby.gov.inही अधिकृत वेबसाइट सर्च करून ओपन करा. - स्टेप २: वेबसाइटच्या मुख्यपृष्ठावर खाली स्क्रोल करा. तुम्हाला ‘Application Status’ (अर्जाची स्थिती) हा पर्याय दिसेल, त्यावर क्लिक करा.
- स्टेप ३: आता तुम्हाला तुमचा पावती क्रमांक आणि स्क्रीनवर दिसणारा कॅप्चा कोड टाकावा लागेल.
- स्टेप ४: पावती क्रमांक आणि कॅप्चा कोड टाकल्यानंतर, ‘Check Status’ (स्थिती तपासा) या बटणावर क्लिक करा.
अर्जाची स्थिती कशी समजून घ्यावी?
‘Check Status’ बटणावर क्लिक केल्यावर तुमच्या अर्जाची सद्यस्थिती स्क्रीनवर दिसेल. ती दोन प्रकारची असू शकते:
- ‘Application Status Approved’: याचा अर्थ तुमचा पीक विमा अर्ज यशस्वीरित्या मंजूर झाला आहे. आता तुम्ही या योजनेच्या लाभासाठी पात्र आहात.
- ‘Verification Pending’: जर ही स्थिती दिसली, तर तुमच्या अर्जाची पडताळणी संबंधित पीक विमा कंपनीकडून सुरू आहे. यात काळजी करण्यासारखे काही नाही. जर तुमचा अर्ज योग्य असेल, तर तो लवकरच मंजूर केला जाईल.
पिकाचे नुकसान झाल्यास काय करावे?
तुमचा पीक विमा अर्ज मंजूर झाला असला तरी, पिकाचे नुकसान झाल्यास एक महत्त्वाची गोष्ट लक्षात ठेवा. पिकाचे नुकसान झाल्याच्या ७२ तासांच्या आत तुम्हाला पीक विमा कंपनीकडे तक्रार दाखल करणे बंधनकारक आहे. जर तुम्ही वेळेत तक्रार केली नाही, तर तुम्हाला विम्याचा लाभ मिळणार नाही. त्यामुळे, नुकसानीची माहिती त्वरित कंपनीला कळवा.
